Pasaiako Udalak tamaina handiko hondakinak botatzeko bi gune berri ezarri ditu Donibanen.

Zehazki, Bordalabordako 5. zenbakian eta San Roke kaleko 6-8 zenbakien inguruan ezarri dira.

Bi gune horiek gehituta, guztira 6 gune daude barrutian tamaina handiko hondakinak botatzeko:

-Bizkaia plazan.
-Juan XXIII kaleko 5. zenbakian.
-Lezo Bideko 11. zenbakian.
-Bordalabordako 10. zenbakian.

Tamaina handiko hondakinak uzteko ordutegia honako hau da:

Asteazkenetan (jai bezperetan izan ezik).

-Apirilaren 1etik irailaren 30era (20:00 – 23:00).

-Urriaren 1etik martxoaren 31ra (18.30-23:00).

Gune horiek egokiak dira aulkiak, tamaina handiko elektratresnak, koltxoiak eta halakoak uzteko. Gogorarazten da gurpilak, paletak, margoak eta antzerako hondakinak garbigunera eraman behar direla edo tamainak ahalbidetzen badu, hiri-garbigunera.