Web edukia bistaratu

Wifi Guneak

WIFI GUNEAK

Interneteko erabilera errazteko Pasaiako Udalak honako areto hauen barruan WIFI guneak zabaldu ditu:

  •     Donibaneko liburutegia
  •     San Pedroko liburutegia
  •     Antxoko liburutegia
  •     Trintxerpeko liburutegia
  •     Pasaiako Udal Euskaltegia
  •     Udaletxea (Arizabalo Jauregia)
  •     Pasaia Musikal (Andonaegi Jauregia)

 

ERABILERA ARAUAK

  •     Udal WIFI sistemen bidez Interneteko sarbidearen erabilera irekia, librea, mugarik gabekoa eta doakoa da. WIFI duen edozein gailurekin egin daiteke, esaterako ordenagailu eramangarriak, telefonoak, edota antzekoak.
  •     Sisteman sartzeko ez da inolako identifikaziorik eskatuko.
  •     Sistema irekia denez gero, udalak ez du inolako zerbitzu teknikorik eskainiko, ezta laguntzarik ere. Halaber, ez du baliabide fisikorik eman edo utziko, adib. WIFI txartelik, inprimatzeko zerbitzurik, ordenagailu eramangarririk, edo antzekorik.
  •     Udalak sistemara konektatzen diren ekipoek deskargatzen duten datuen kopurua kontrolatuko du, baina inoiz ez edukiak. Sistemaren beste erabiltzaileen eskubideak babesteko, udalak neurriz kanpoko deskargak egiten dituzten ekipoak deskonektatuko ditu, eta baita sarrera eragotzi ere. Berdin jokatuko du gainerako erabiltzaileen jarduera oztopatu edota zelatatzen saiatzen direnekin.
  •     Interneteko sarbidea ezin da erabili jabetza intelektualari buruzko legediak babesten dituen fitxategi edo edukiak deskargatzeko. Ezin da erabili ezta ere eduki xenofobo edo arrazistak, iraingarriak, bereizgarriak edo baztergarriak ikusteko.
  •      Ezin da sistema erabili ekintza edo jarduera ilegalak egiteko, edota indarreko legediaren kontra egiteko.
  •     Azkenik, ezingo da WIFI sarbidea erabili spam edo eskatu gabeko publizitatea bidaltzeko, eta oro har, ezin da behin eta berriz erabili jarduera profesionalak egiteko, edota etekin ekonomiko edo bestelakoak eskuratzeko jarduera edo ekintzak egiteko.
  •     Sistemen erabileraren arabera eta sortu daitezkeen arazoei aurre egiteko, udalak arau hauek aldatzeko eskumena badu, aldez aurretik abisurik eman gabe.