Web edukia bistaratu

35 jarduera baino gehiago 3 eta 16 urte arteko haur eta gazteentzat

Oarsoaldeko lau udalek aurkeztu dute, eta izen-ematea zabaldu da dagoeneko.

UDA 2017 Kirol Kanpaina lau udalek osatzen duten Eskualdeko Kirol Koordinazio Mahaiak antolatu eta bultzatu du aurreko urteetako arrakasta ikusita. Elkarlan honen helburuak, besteak beste, hauek dira: lau udalen baliabideak modu eraginkorragoan erabiltzea eta herritarrei aukera zabalagoa eskaintzea.

Guztira, 35 jarduera baino gehiago eskaintzen dira 3 eta 16 urte bitarteko haurrentzat. Sakatu irudian jarduera guztiak ikusteko. 

Izena emateko epea zabaldu da. Jarduera bakoitzari buruzko informazio zehatza eskuratzeko, esku-orrian adierazten diren webgune eta telefonoak erabil daitezke.

Pasaiako jardueretan izena emateko, formulario hau bete eta deitu dagokion telefonora:

IZENA EMAN

Askotariko jarduerak

 

Diptikoa

PDF 0,2 Mb

Eskualdeko jarduerak

Aurtengo berrikuntzak hau izango da: Paddel Board jarduera Pasaian.

Azken urteetan indarra eman nahi izan zaie itsasoarekin zerikusia duten jarduerei.  Aurten ere, aurreko urtean berrikuntza gisa eskaini ziren bela eta urpekaritza jarduerak antolatu dira; eta horiez gain, jarduera berri bat: Paddle Board.

Prezioak esku-orrian begiratu daitezke. Halaber, bertan jasotzen dira kirolguneen eta antolatzaileen helbideak eta telefono zenbakiak.

Piraguen alokairua Donibanen

Lehen aipatutako itsasoko jarduerak indartzeko apustuaren adibide garbia da Pasaiako Udalak Donibaneko kirolgunean martxan jarri duen piraguen eta Paddel Board-eko taulen alokairu-zerbitzua (Udako Kirol Kanpainako esku-orrian jasotzen da). Aurreko ikasturtean piraguen alokairu-zerbitzua jarri zen martxan, eta aurten Paddle Board-eko taulak gehitu zaizkio zerbitzuari.
 
Alokairuari buruzko informazioa Donibaneko kiroldegian eskuratu daiteke: 943345371.

Banakako zein binakako piraguak alokatu daitezke, ordu beterako edota egun osorako. Halaber, uda osorako bonua ere egin daiteke. Zerbitzu berri hau aukera ezin hobea da, badia eta kostaldea ezagutuz, egun pasa ahaztezinak egiteko.