Udalak Berdintasun-arloa sortzeko erabaki politiko sendoa hartu du, tokiko administraziotik politika zehatza burutzeko, hau da, emakumearen bazterketari aurre egin eta gizon eta emakumeen arteko berdintasuna bermatuko duen politika burutzeko.

Udalak ardura publikoa eta politikoa dauka berdintasunean oinarritzen den jendartearen alde eta eraldaketa sozialaren alde lan egiteko.

Horretarako, behar diren baliabideak abian jarri behar ditu genero bazterkeriarekin bukatzeko, eta pasaitar emakumeen eskubideak bermatzeko.

Berdintasun-arlotik, genero ikuspuntua kontuan hartzen duen politika zehatza osatu nahi dugu udalerriko emakumeen beharrei erantzuteko.